去日本旅行時，應該有唔少人都去借住過朋友屋企，或者住過民宿、airbnb等地方。喺入住期間要開燈閂燈嘅時候，各位讀者有無曾經見過上圖中嘅遙控器呢？心水清嘅您，見到「常夜灯」、「明」、「暗」，都應該估到係LED燈遙控器吧！
純粹開燈閂燈竟然都可以有咁多粒掣？！真不愧係日本（笑）。今次FUN! JAPAN編輯部就同大家講解一下LED燈遙控器嘅使用方式，每一粒掣話唔定都會大派用場！
LED照明操控瞬間熟練上手！遙控器按鈕與功能完整解析
電器產品種類豐富嘅日本，遙控器上面經常添加多項特殊功能，但喺一般使用上，大部分都大同小異。首先等FUN! 編由上至下順序同大家介紹有邊啲基本按鈕。
スリープタイマー：休眠時間（60分／30分）。60分鐘後或30分鐘後自動關閉主要光源，非常適合臨瞓前或出門口前使用。お好み：照明喜好。自動記憶主要光源亮度喜好，一㩒即變成您所喜愛嘅照明亮度。全灯：全亮。開燈，一㩒呢粒鍵，照明亮度就會調整成最光亮嘅狀態。消灯：夜燈。瞓覺時使用嘅燈光。基本上係橙黃色，唔鍾意間房漆黑一片嘅話，不妨利用呢個功能。明：調光。暗：調暗。消灯：閂燈。進化再進化！仲可以能調較電燈顏色！？
LED燈喺購買燈管、燈膽嘅時候，通常會選擇白光色（冷色系）、自然光、黃光（暖色系）等色溫，但當中亦有可以調整色溫嘅LED燈！例如，上圖中「白色」、「暖色」等按鈕就可以調整自己喜好嘅色溫，好似魔法咁神奇！（笑）
根據唔同廠商，可能仲會有其他功能，有機會不妨㩒多兩㩒遙控器上面嘅按鈕＾＾
想要了解其他更多日本電器產品嘅按鈕相關資訊？歡迎參考以下一系列相關文章。
相關文章
【教學】屋企有日本牌子電飯煲嘅讀者必睇！為您解答日本電飯煲功能 【教學】旅行時洗衫從此更方便！為您解答日本洗衣機&乾衣機功能【教學】入住酒店前必學！日本 冷・暖氣及電視遙控器按鈕功能解說【教學】日本浴室熱水加熱控制面板應該點用？一篇文教您認識常見功能【教學】日本「浴室寶」換氣暖風機應該點用？一篇文教您認識常見功能【教學】日本廁所免治馬桶應該點用？一篇文教您認識常見功能